ФИЗИКА САБАҒЫНДА ЦИФРЛЫҚ ТЕХНОЛОГИЯНЫҢ ҚОЛДАНУДЫҢ ЕРЕКШЕЛІКТЕРІ

ӘОЖ 372.8:53

М.Ж.Сандыбаева

№72 мектеп-лицейі

Қазақстан, Астана қаласы, m.sandybay@mail.ru

ФИЗИКА САБАҒЫНДА ЦИФРЛЫҚ ТЕХНОЛОГИЯНЫҢ ҚОЛДАНУДЫҢ ЕРЕКШЕЛІКТЕРІ

ХХІ ғасыр – ақпараттық технологиясы ғасыры. Қазіргі қоғамдағы білім беру жүйесін дамытуда цифрлық технологияның маңызы зор, сонымен бірге қазіргі заман талабы да осы.

Бүгінгі күні барлық елдер сапалы білім беру жүйесімен жұмыс жасауда, білім беру жүйесінің негізгі мақсаты – жалпы адамзаттық құндылықтар, ғылым мен практика жетстіктері негізінде жеке тұлғаны кәсіби шыңдауға, оның қалыптасуына мүмкіндік беру болып табылады.

Заманауи білім берудің өзекті мәселесі сапалы білім беру үшін жаңдай жасау болып табылады, қазіргі оқыту мен оқыту процесінің түбегейлі айырмашылығы оқушылардың қолда бар білімдерін практикада пайдалануға дайындығын қалыптастыру.

Жаңа білім беруде – жаңа білім мен дағдыны меңгерген, шығармашылық қабілеті жоғары, дербес ізденіс нәтижесінде елеулі табысқа қол жеткізген, ойлау қабілетімен ерекшелінетін тұлғаны қалыптастыру тек, кәсіби біліктілігі жоғары, үнемі ізденіс үстіндегі, цифрлық технологияның әдіс - тәсілдерін меңгерген, интерактивті цифрлық ортада оқу процесін ұйымдастыра алатын педагогтың ғана қолынан келмек.

Физика сабағында цифрлық білім беру ресурстарын пайдаланудың ерекшелігі – бұл оқушыға өз бетімен немесе бірлескен түрде шығармашылық жұмыспен шұғылдануға, ізденуге, өз жұмысының нәтижесін көріп, өз өзінен сын көзбен қарауына мүмкіндік береді. Ол үшін мұғалім өткізетін сабағында оқушының сабаққа деген қызығушылығын арттырып, бүгінгі заман талабына сай білім беруі керек. Бұл мұғалімнің шығармашылық ізденісті талап етеді.

Бүгінгі таңда оқу процесінің толық болуы үшін әр мұғалім түрлі электронды білім беру ресурстарын қолдана отырып сабақ дайындап, өткізу керек, өйткені оларды қолдану сабақты жырқын, қызықт, тиімді ете алады.

Физика сабақтарында цифрлық технологияны қолдану жұмыс түрлерін, оқушылардың іс-әрекеттерін түрлендіруге, зейінін аттыруға, жеке тұлғаның шығармашылық қабілеттерін арттыруға мүмкіндік береді. Диаграммаларды, кестелерді, презентацияларды құру уақытты үнемдеуге, материалды эстетикалық тұрғыдан безендіруге мүмкіндңк береді. Кроссвордтарды, иллюстрацияларды, суреттерді, ребустарды, түрлі ойын- сауық тапсырмаларын, тестілерді қолдану сабаққа қызығушылық тудырады..

Менің күнделікті жиі қолданатын «Kahoot» - бұл ойын түріндегі оқыту платформасы. «Kahoot» ақысыз және қолдануға өте қарапайым. Оны сабақтың әр кезеңінде қолдануға болады, мәселен жаңа сабақты бекіту барысында тест құрастыру арқылы, есеп шығару кезеңінде де қолдануға болады. Оқушылар телефон арқылы тіркеліп, тапсырмаларды орындауға мүмкіндік алады. Осылайша сабақ қызықты өтеді.

Сабақта цифрлық технологияны қолдану әр түрлі иллюстрациялық және ақпараттық материалдарды қолдануға мүмкіндік береді. Сонымен қатар, оқушылардың материалдарды өздері Интернеттен және әртүрлі ақпарат ресурстарынан да таба алады. Мәселен, берілетін өзіндік жұмыстардын да, оқушыларға видео, презентацияларды құру, тест құрастыру арқылы орындап келулеріне мүмкіндік береді. Бұдан оқушылардың пәнге деген қызығушылығы артады.

Осылайша, оқушылардың ақпараттық құзыреттілігі қалыптасады. Интерактивті тесттерді қолдану тек мұғалімнің уақытын үнемдеуге емес, оқушылардың да өз білімдерін, мүмкіндіктерін бағалай алады.

Физика – белсенді дамып келе жатқан ғылым. Соңғы бес-алты жылда оқу процесінде көптеген көп нәрсе өзгерді. Мәселен, мультимедиалық проекторлар, интерактивті тақталар жиі қолданысқа енді. Бұл оқу процесіндегі оқыту әдістерін жеңілдетті.

Дегенмен, физика сабақтарында оқушылардың іздемпаздық және логикалық ойлау қабілетін арттыруды да жүзеге асыру қажет. Сондықтан, физиканың оқыту процесін жетілдіру оқушылардың танымдық белсенділігін, іс-әрекетін, ізденісін мұғалім қадағалай отырып теориялық және тәжірибелік тұрғыда дұрыс бағыт бағдар беруі тиіс. Осы орайда цифрлық технологияның көмегімен виртуалды эксперименттік зертханалық жұмыстарды жүргізудің нәтижесінде оқушылардың бойына ақпаратты құзіреттілікті қалыптастырамыз.

Цифрлық технологияны қолдану барысында оқушылардың білімін түзету және деңгейлерін саралау принциптерін жүзеге асырамын. Оқушылар стандартты білімді меңгеріп қана қоймай, жоғары деңгейге өтулеріне мүмкіндік алады.

Қолданылған әдебиеттер:

1. Жексенгалиева Г.Ж. Физика сабағында АКТ-ны қолданудың тиімділігі // Республикалық ғылыми-әдістемелік журнал. Математика және физика. Астана. 2023ж

2. Токбергенова У.К., Турсынбаева Д.А., Насыролла Н. Физиканы оқытуда оқушылардың түйінді құзыреттілігін қалыптастыру. ҚазҰПУ Хабаршысы, 2022ж. Алматы

3. Алимбекова Ж.Б., Турсынбаева Д.А. Интерактивтік технологияларды оқыту үдерісіне қолданудың негізгі әдістері. Халықаралықғылыми – әдістемелік конференция,Алматы, 2021.

4. https://bugin.kz/12499-tsifrlyq-dganha-tekhnologiya